1981 දෙමළ සාහිත්ය සංහාරය | සහෘදස්පන්දන මැයි - ජූනි කාලපය 2022
එන්.සරවනන් විසින් Namathu Malayagam වෙබ් අඩවියේ 2021 වසරේ දී පළ කරන ලද ලිපියේ සිංහල පරිවර්තනය. පරිවර්තනය - ජෙගන් ගනේෂන් ‘යම් ජනවර්ගයක් විනාශ කිරීමට නම් ඔවුන්ගේ ඉතිහාස සටහන් සහ අනන්යතාවය විනාශ කරනු’ යනුවෙන් කියමනක් ඇත. උතුරේ, විශේෂයෙන් යාපනය ජනයාගේ බුද්ධිමය උරුමයක් ලෙස සැලකූ යාපනය පුස්තකාලය ගිනි තබා විනාශ කිරීම ඉතිහාසයේ කිසිදු දිනක ඉවත් කළ නොහැකි කළු පැල්ලමක් ලෙස පවතියි. තම දෙමළ සම්ප්රදායික කරුණු, ඉතිහාස සටහන් සංරක්ෂණය කර තිබු පුරාවිද්යා ස්ථානයක් ලෙස ද එය සැලකුණි. නැවත ලබා ගත නොහැකි විරල ග්රන්ථ, සියවස් ගණනක් ඉපැරණි පුස්කොළපොත් ද එහි සංරක්ෂණය කර තිබුණි. යාපනය පුස්තකාලය රජය විසින් ඉදි කරන ලද්දක් නොවේ. එය එකල සිටි දෙමළ විද්වතුන් විසින් නිර්මාණය කර, පසුකාලීන ව යාපනය නගර සභාව වෙත භාර දෙන ලද්දකි. 70 දශකයේ අග භාගයේ දී උතුරු - නැගෙනහිර දෙපළාතේ පුරාවිද්යා කැණීම් යන නමින් හමුවන සියල්ල සාක්ෂියක් ලෙස භාවිත කරමින් උතුරු - නැගෙනහිර දෙපළාත සිංහල ජනයාගේ භූමියක් ලෙස ප්රකාශ කිරීමේ වැඩපිළිවෙලක් රජය විසින් ආරම්භ කර තිබුණි. දෙමළ ජනයාගේ නිජබිම් අයිතිය ප්රතික්ෂේප කි...