සෙක්ස් කියන්නේ අසභ්ය දෙයක් නෙවෙයි - Mastram Tv Series 2020
සෙක්ස් යන්න අසභ්ය දෙයක් නොවන බවත්, එය අපහාස අර්ථයකින් භාවිත කිරීම අසභ්ය දෙයක් වන බවත්, Chinthana Dharmadasa පසුගිය දිනක සිය සටහනක් දක්වා තිබුණේය. මා ද එම ප්රකාශය සමඟ එකඟ වෙමි. තාක්ෂණික දියුණුවක් සමඟින් අපට අවශ්ය කරුණුකාරණා ඇඟිලි තුඩ මත රැඳි තිබුණ ද, අප 2021 වසරට පිය තබා තිබුණ ද සෙක්ස් යනු තවමත් අපට මැජික් එකකි. වර්තමානයේදීත් එය මැජික් එකක් වූවා නම් 80 දශකයේ සෙක්ස් කියන කාරණාවේ තත්ත්ව කෙබඳු විය හැකි ද.? එම දශකයේ ජීවත් වූවන් සතුව එම අත්දැකීම් එමටය. අදාළ කාලසීමාව තුළ වර්තමානයේ මෙන් විවිධ වෙබ් අඩවි නොතිබු අතර එම දිනවල කා අතරත් සුප්රසිද්ධව තිබුණේ සගරා හෝ පොත්ය. ඒවා මිලදී ගැනීමට බොහෝ පිරිස් අසීමිත ලෙස කටු කෑහ. අපගේ ටියුෂන් ගුරුවරුන් ඉඳ හිට මෙවැනි අතීත කතා ද අපට පවසා තිබේ. එම කාලයේදී ඔවුන් පොතක් මිලදී ගැනීමට පිටකොටුව පුරා රබර් සෙරෙප්පු කුට්ටම ගෙවෙනතුරු ඇවිද ඇත. නමුත් අද තරුණ පරපුරට එවැනි අත්දැකීමක් නැතැයි මා විශ්වාස කරමි. ඒ ඔවුන්ට අවශ්ය දෑ මේ වනවිට දුරකතනයකින් ලබා ගැනීමේ හැකියාව පවතින නිසාය. එහෙත් වීඩියෝවකින් ලැබෙන ආස්වාදයට වඩා පොතකින් ලැබෙන ආස්වාදය අසීමිතය. එහි අදාළ පාඨකයාට චිත්තරූප මව...