අප්පගෙයි - පුතාගෙයි අමුතුම Friendship එක - [Aelay (2021) - Tamil ]
මීට වසර දහස් ගණනකට පෙර නිර්මාණය වූ පෘථිවිය ඇතුළු නොයෙකුත් ග්‍රහයන්, උපග්‍රහයන් තවමත් විනාශ නොවි පවතින්නේ, බැඳීම් නිසාය. සූර්යයා සහ ග්‍රහ ලෝක අතර බැඳීමක් නොමැති වූයේ නම් ඒවා එකිනෙක ගැටී විනාශ වනු ඇත. පරිණාමයට ලක්වෙමින් පැමිණි මානව වර්ගයා ද තවමත් මෙම භූතලයේ නොනැසි පවතින්නේ මෙම බැඳීම නමැති සංකල්ප හේතුවෙන්ය. එම බැඳීම් විවිධ නාමරූප යොදා ගනිමින් සාකච්ඡා කළ හැකිය. මව සහ දරුවන් අතර ඇති බැඳීම් දිගු කාලීන වූව ද, පිය-පුතු බැඳීම කාලානූරූපීය වෙනස් වීමට ලක් වෙයි. යම් පවුලක එය දැකිය හැකි පොදු ලක්ෂණයකි. ඊට නිසි හේතුවක් සොයා ගැනීම යනු ඉතා අපහසු කරුණකි. කිසිදු බැඳීමකින් තොරව ජීවත් වන පියා සහ පුතා අතර සිදු වන සිද්ධීන් එකිනෙක ගළපා අප ඉදිරියේ තැබු චිත්‍රපටියක් ලෙස “ඒලේ” හඳුන්වා දිය හැකිය. මිනිසා අතීතකාමයට බොහෝසේ ප්‍රිය කරයි. එම නිසා ග්‍රාමිය ජීවිතය අතහැර නගරබද පරිසරවල ජීවත් වන පිරිස් තමන්ට විවේකයක් ලැබුණ විටක තමන් ගත කළ ග්‍රාමීය ජීවිතය ගැන සිතා බැලීමට කාලයක් වෙන් කරනු ලබන්නේ ද ඒ හේතුවෙන්ය. තම අතීතය මෙනෙහි කරන අවස්ථාවේදී ඕනෑම කෙනෙකුට නැරඹිය හැකි චිත්‍රපටියක් ලෙස “ඒලේ” නම් කිරීමට හැකිය. ග්‍රාමීය ජීවිතය තුළ ම...